மத அரசியல்

'அவுங்க நம்ம எடுத்த இடிச்சதில்லையா, நாம இடிச்சா தப்பா, நம்ம ஆளுங்க செத்ததில்லையா, அவுங்க ஆளுங்க செத்தா மட்டும் பாவமா, இது போர், அவர்கள் நம் நம்பிக்கைக்கும் நமக்கும் எதிரிகள்', ஆவேசமாய் முழங்கியதில் கூட்டம் கைத்ததட்டலில் அதிர்ந்தது, மைக்கை விட்டு இருக்கைக்கு வந்ததும் அருகில் இருந்தவன் காதோரமாய் ' பின்னிட்டீங்க ண்ணே, இந்த டிஸ்ரிக்ட் க்கு இன்னைக்கு பத்து மீம் அணுப்புறோம், பாருங்க எப்டி போகுதுன்னு', அவன் கைகளை பற்றி  குலுக்கிய போது இன்னும் அருகில் வந்து 'அப்புறம் அந்த காண்ட்ராக்ட் ல நமக்கு 10% தான் கெடைக்கும் ணே, 15% னா ஒரு பார்ட்டி இருக்காப்ல, ஆனா அது அவுங்க ஆளுக', என்றான். மக்களைப் பார்த்து சிரித்துக் கொண்டே அவனிடம் திரும்பி, ' ஏன், அவுங்க ஆளுக குடுத்தா காசு செல்லாதா? அவுங்க ஆளுக நம்ம ஆளுக ன்னு பேசாட்டி அரசியல் பண்ண முடியாது, அவுங்க ஆளுக நம்ம ஆளுக ன்னு பாத்தா வியாபாரம் பண்ண முடியாது, 15% முடிச்சிடு', மந்தைகளின் கரகோஷம் காதை பிளந்தது....