அவளை இத்தனை வருடம் கழித்து இப்படி பார்ப்பேன் என்று தெரியாது, கல்லூரியில் தேவதை போல் பார்த்தவள், ஒரு காலத்தில் என் மனதுக்குள் வாழ்ந்தவள், இன்று கடையில் பில் போட்டுக் கொண்டிருந்தாள், கண் முன் ஒரு நிமிடம் 'அழகி' பட நந்திதா தாஸ் வந்து போக,'உன் குத்தமா என் குத்தமா' என்று பார்த்திபன் போல் மனதுக்குள் பாடிக்கொண்டே, எப்படியாவது அவளுக்கு உதவ வேண்டும் என்று இரவு பத்து மணிக்கு அவள் வெளியே வரும் வரை காத்திருந்து அவளுக்கு உதவிக்கரம் நீட்டினேன், நல்ல வேளை, பக்கத்திலேயே 24 மணி நேர மருத்துவமணை இருந்தது, உணர்ச்சி வசத்தில் அவள் சூரியவம்சம் தேவயானி என்பதை கவனிக்காமல் விட்டுவிட்டேன், அவனும் சரத்குமார் மாதிரியே பல்கியாகத்தான் இருந்தான், இருந்தாலும் உதவிக்கரத்தை அவன் இப்படி உடைத்திருக்க கூடாது...
கருத்துகள் இல்லை:
கருத்துரையிடுக